Aparıcı sistem inzibatçısı / İnformasiya kommunikasiya texnologiyaları təminatı şöbəsi / Sistem və şəbəkə inzibatçılığı sektoru

Vakansiyaya dair tələblər: Cəmiyyətin server, sistem, virtualizasiya, saxlama və əlaqəli İT infrastrukturunun fasiləsiz, dayanıqlı və təhlükəsiz fəaliyyətinin təmin edilməsi; Windows və Linux əsaslı serverlərin quraşdırılması, konfiqurasiyası, idarə olunması və texniki sazlığının təmin edilməsi; Active Directory, DNS, DHCP, Group Policy və digər korporativ xidmətlərin idarə olunması və dayanıqlılığının təmin edilməsi; Virtualizasiya platformalarının (VMware, Hyper-V və s.) idarə olunması, resurslardan səmərəli istifadə və optimallaşdırma işlərinin aparılması; Ehtiyat nüsxələmə və bərpa proseslərinin təşkili, icrasına nəzarət və fövqəladə hallarda sistemlərin operativ bərpasının təmin edilməsi; İT sistemlərinin fəaliyyətinin davamlı monitorinqi, nasazlıqların operativ aşkarlanması, diaqnostikası və aradan qaldırılması; Şəbəkə infrastrukturu üzrə ümumi inzibati nəzarətin həyata keçirilməsi, LAN/WAN, VPN, firewall və digər əsas komponentlərlə bağlı işlərin koordinasiya olunması; Sistem və informasiya təhlükəsizliyi üzrə tələblərin tətbiqində iştirak etmək, giriş hüquqları, yenilənmələr, antivirus və digər qoruma mexanizmlərinin icrasına nəzarət etmək; İstifadəçi hesablarının, səlahiyyətlərin və giriş hüquqlarının korporativ standartlara uyğun şəkildə idarə olunmasını təmin etmək; Mövcud İT infrastrukturunun təkmilləşdirilməsi, yeni texnoloji həllərin araşdırılması və tətbiqi ilə bağlı təkliflər hazırlamaq; İT infrastrukturu üzrə texniki sənədləşmənin, sxemlərin, təlimatların və istismar sənədlərinin hazırlanması və yenilənməsini təmin etmək; Təchizatçılar və xidmət təminatçıları ilə texniki məsələlər üzrə koordinasiyanı həyata keçirmək; Proqram təminatı və lisenziyaların quraşdırılması, yenilənməsi və istifadə müddətlərinə nəzarət prosesində iştirak etmək; Sistem komandası daxilində işlərin koordinasiyasını həyata keçirmək, zərurət olduqda əməkdaşlara metodiki dəstək göstərmək; İnsidentlərin idarə olunması, sistemlərin dayanıqlılığının qorunması və xidmətlərin operativ bərpası istiqamətində tədbirlər görmək; Hesabat, texniki arayış, rəy və digər xidməti sənədlərin hazırlanmasında iştirak etmək.

Vakansiyaya dair tələblər: Müvafiq sahələrin fəaliyyət planlarının və iş bölgüsünün icrasına nəzarəti təşkil etmək; İstehsalat proseslərinin optimallaşdırılması, məhsuldarlığın artırılması və istehsalat xərclərinin azaldılması istiqamətində təşəbbüslərin irəli sürülməsi; İstehsalatda texniki uyğunsuzluqlar və nasazlıqlar üzrə operativ qərarların qəbulu və icrasına nəzarəti təşkil etmək; Emal və hasilat sahələri üzrə mal-material, texnika, sərf materiallarının və kimyəvi maddələrin təminatının düzgün planlaşdırılması və əlaqələndirilməsi; İstehsalat əməliyyatlarının yerli və beynəlxalq standartlara, habelə Cəmiyyətin daxili prosedurlarına uyğunluğuna nəzarəti təşkil etmək; Şöbənin fəaliyyəti çərçivəsində dağ-mədən, emal və hasilat sahələrinin büdcə sifarişlərinin və normativlərin hazırlanması və icrasına nəzarət etmək; Emal və hasilatla bağlı təkmilləşdirmə layihələri üzrə təşəbbüslərin hazırlanması və həyata keçirilməsinə nəzarəti təşkil etmək; Rəhbərlik tərəfindən verilən tapşırıqların icrasına operativ nəzarət və hesabatlılığı təşkil etmək; Şöbənin fəaliyyəti çərçivəsində imzalanmış müqavilələrin icrasına nəzarət etmək; İstehsal sahələrində aparılan optimizasiyalar ilə bağlı məsləhətçilər ilə işlərin koordinasiyası, hesabatlılığın təşkil edilməsi; Şöbənin fəaliyyəti çərçivəsində təsdiqlənmiş fəaliyyət planlarının icrasına nəzarət və yeni layihələrin idarəolunmasında aktiv iştirak etmək; Müvafiq dövrlər üzrə şöbənin fəaliyyəti ilə bağlı hesabatlar hazırlanmasına rəhbərlik etmək;

Əsas vəzifə öhdəlikləri SƏTƏM siyasət və prosedurlarının tətbiqi: Müvafiq qanunvericilik və daxili normativ sənədlərə uyğun olaraq SƏTƏM prosedurlarının gündəlik fəaliyyətlərdə düzgün tətbiqində iştirak etmək və icrasını təmin etmək. Audit və təftiş: Sahədə aparılan audit iştirak etmək və təftişləri icra etmək, həmçinin yoxlamalar zamanı məlumat toplamaq, aşkar edilən məsələləri qeydə almaq və nəticələrin sənədləşdirilməsini yerinə yetirmək. Uyğunsuzluqların idarəolunması: Aşkar olunmuş uyğunsuzluqlar ilə bağlı müvafiq göstərişlər tərtib etmək, icra vəziyyətini izləmək və nəticələr barədə rəhbərliyə məlumat vermək. Təlim və təlimatlandırma: Giriş təlimatlarının keçirilməsini təmin etmək, ilkin, təkrar və plandankənar təlimatlandırmaların təşkilinə dəstək vermək və işçilərin biliklərinin yoxlanılması prosesində iştirak etmək. Hadisələrin araşdırılması: Qəza və insidentlərin araşdırılması prosesində iştirak etmək, ilkin məlumatların toplanmasını həyata keçirmək və yekun hesabatların hazırlanmasını təmin etmək. Monitorinq və hesabatlılıq: SƏTƏM göstəricilərinə dair məlumatların toplanmasında iştirak etmək, müvafiq qeydləri aparmaq və hesabatların hazırlanmasını yerinə yetirmək. Fövqəladə hallara hazırlıq: Fövqəladə hallara cavab tədbirlərinin həyata keçirilməsində iştirak etmək. Kommunikasiya və məlumatlandırma: İşçilər və podratçılar arasında SƏTƏM tələbləri üzrə maarifləndirmə işlərinə dəstək vermək. Risklərin müəyyən edilməsi: İş yerlərində mövcud təhlükələri müəyyən etmək, risklərin qiymətləndirilməsi prosesində iştirak etmək və təhlükələr barədə rəhbərliyə məlumat vermək. Podratçılara nəzarətdə iştirak: Podratçı və təchizatçıların sahədə SƏTƏM tələbləri əsasında işinin təşkilinə nəzarət olunması. SƏTƏM inventar və materialların izlənməsi: SƏTƏM üzrə fərdi mühafizə vasitələrinin və digər materialların istifadəsini və anbar qalığını izləmək, ehtiyaclar barədə rəhbərliyə məlumat vermək.