Texniki təhlükəsizlik qaydalarına, əməyin təhlükəsizıiyi normalarına riayət etməklə qoruduğu obyektin kənar müdaxilələrdən mühafizə edir.
Rəhbərliyin nümayəndəsi və ya növbəni təhvil verən gözətçi ilə birlikdə qorunan obyektdə qıfıl və başqa bağlayıcı qurğuların, damğanın, yanğına qarşı inventarın olmasını, siqnalizasiyanı, telefonun sazlığını, işıqlanmanın olmasını təmin edir.
Obyekti qorumaq üçün təhvil aldığı vaxt nasazlıqlar üzə çıxarsa - sındırılmış qapı, pəncərə, qıfıl, damğanın və ya möhürün və s. olmaması haqqında - özünün tabe olduğu şəxsə, rəhbərliyin nümayəndəsinə və polis şöbəsinin növbətçisinə xəbər verir və polis nümayəndəsi gələnə qədər izin qorunmasını təmin edir.
Müəssisə, idarə, təşkilatın girəcəyində növbə çəkdikdə işlərin, müştərilərin, nəqliyyatın müəssisə, idarə, təşkilatın ərazisinə və lazımi sənədlər təqdim etdikdən sonra geri buraxılmasına nəzarət və qeydiyyat.
Kənar şəxslərin, maşınların şirkətə daxil olduğu-çıxıdğı zaman qeydiyyat kitabçalarında qeydiyyatının aparılması və nə məqsədlə gəlmələri qeyd olunmalıdır.
Faktiki yüklənmiş yükün sənədlərlə tutuşdurulması, darvazanın açılıb bağlanması.
Yük maşınlarının lazımi səviyyədə yerləşdirilməsi, gərginliyə qoşulması üçün tədbirlərin görülməsi və sürücülərin istək və təkliflərini rəhbərliyə bildirmək.
