Vaqon baxıcısı-təmirçisi (Xaçmaz, Yalama, Ağstafa, Tovuz, Şəki)

Park yollarına qoyulmuş hərəkət heyəti dayandıqdan, müvafiq qaydada bərkidildikdən, manevr teplovozu açılıb çıxdıqdan sonra mərkəzləşdirilmiş qaydada hərəkət tərkibini çəpərləmək, çəpərlənmənin icrasını səsucaldanla elan etmək və vaqon baxıcısı-təmirçilərinə işə başlamağa icazə vermək; Tormozlar haqqında VU-45 formalı arayışın tərtib edilməsi üçün vaqon baxıcıları-təmirçilərinə müvafiq məlumatları vermək; Vaqonun vaqon baxıcısı-təmirçisi və çilingərlər tərəfindən baxış və təmir işləri başa çatdıqdan sonra digər xidmətlərin operatoru və ya stansiya növbətçisini məlumatlandırmaq; Qatarın hazırlığı barədə vaqon baxıcısı-təmirçisi tərəfindən məlumat aldıqdan sonra xüsusi jurnalda qeydiyyat aparmaq və hazırlıq barədə stansiya növbətçisinə məlumat vermək; Qatar lokomotivinin yaxınlaşması barədə vaqon baxıcı-təmirçilərini xəbərdar etmək, çəpərlərin çıxarılmasını yerinə yetirmək.

Lokomomotiv briqadalarının vəzifəsinə aid qüvvədə olan əmrlərin, göstərişlərin, təlimatların və digər normativ aktların tələblərini yerinə yetirmək; Teplovoza texniki xidmət olunması, qatarların daşınmasında və manevr işinin yerinə yetirilməsi üzrə texniki biliyini, peşə ustalığını və ixtisasını artırmasını həyata keçirmək; İşə xüsusi formada, cədvəl üzrə və ya depo növbətçisinin çağrışı ilə təyin olunmuş vaxtda gəlmək, gələ bilmədikdə depo növbətçisini dərhal məlumatlandırmaq; Teplovozun qəbulu və təhvili zamanı texniki xidmət üzrə müəyyən edilmiş normativ sənədlərə və yerli təlimatlara ciddi əməl etmək; Teplovoza qulluq və texniki xidmət göstərmək üçün maşinist tərəfindən verilən tapşırıqları vaxtında və dəqiq yerinə yetirmək; Teplovozda təhlükəsizlik və radiorabitə qurğularının, detal və aqreqatların işinə nəzarət etməklə, onların yanğından mühafizə qurğularının vəziyyətini yoxlamaq, nasazlıq aşkar edildikdə onun tezliklə aradan qaldırmaq üçün lazımı tədbirlər görmək; Teplovoz dayanarkən ekipaj hissələrin və təkər cütlərinin bukslarının yoxlanmasını həyata keçirmək, teplovozda olan təhlükəsizlik qurğuların işinə nəzarət etmək; Svetoforun qadağanedici göstərişinə doğru hərəkət edərkən, ayaq üstə maşinistə işarənin göstərişini, kontrolerin vəziyyətini və tormoz magistralındakı təzyiqin miqdarını təkrar etmək, qatarın (teplovozun) dayandırılmasına maşinist tərəfindən fəaliyyət olmadıqda, qadağanedici işarəni keçməmək üçün tədbir görmək; Yanacaq enerji resurslarını, sürtkü və digər materialları qənaətlə istifadə etməklə, təyin olunmuş normalara riayət etmək, avadanlıqları, alətləri və fərdi mühafizə vasitələrini saz vəziyyətdə saxlamaq; Maşinist teplovozu idarə etmək qabiliyyətini qəflətən itirdikdə qatarı (teplovozu) dayandırmaq,onun özbaşına hərəkətə gəlməsinə qarşı müəyyən edilmiş qaydada bərkitmək, radiorabitə vasitəsilə yaxınlıqdakı qatarların maşinistlərinə, qatar dispetçerinə və stansiya növbətçisinə məlumat vermək;

Aidiyyəti avadanlıqların sökülüb-yığılmasını və tənzimlənməsini icra etmək; Deponun əhatə sahəsinə aid olan su, kanalizasiya, tikinti quraşdırma və s. işlərin görülməsini həyata keçirmək; Depo ərazisində yerləşən su, kanalizasiya, elektrik xətləri, digər yeraltı və yerüstü xətlərin sazlığına nəzarət etmək; İş yerinin təmiz, alət və cihazların saz vəziyyətdə saxlanmasını təmin etmək; Əmək və intizam qaydalarını bilmək və qüvvədə olan qanunvericiliyin yerinə yetirilməsinə məsuliyyət daşımaq; Depo rəisinin verdiyi tapşırıqları yerinə yetirmək.