Texniki sahə mühəndisi

Müəssisə: Nobel Food İndustry MMC

• Ali təhsil (Avtomatlaşdırma sahəsi üzrə)

• Qeyd olunan vəzifə üzrə minimum 2 il iş təcrübəsi

• Texniki heyətin idarə olunması və təlimatlandırılması üzrə təcrübə (üstünlükdür)

• Əməyin mühafizəsi, texniki təhlükəsizlik, yanğın və sanitariya-gigiyena qaydaları üzrə biliklər

• Ehtiyat hissələri, stok idarəetməsi və minimum ehtiyat səviyyələrinin hesablanması üzrə biliklər

Vəzifə öhdəlikləri:

• Proseslərdə istifadə olunan bütün alət və avadanlıqların təhlükəsiz, səmərəli və estetik şəkildə montajını, yerləşdirilməsini və istismarını təşkil etmək,

• Yeni quraşdırılacaq alət və avadanlıqların dizaynında, layihələndirilməsində, yerləşdirilməsində, montaj və demontaj işlərində, həmçinin proses dəyişiklikləri zamanı prosedur və iş təlimatlarının hazırlanmasında iştirak etmək,

• Alət və avadanlıqların layihəyə uyğun qurulmasını, istismara verilməsini və texniki uyğunluğunu təşkil etmək və nəzarətdə saxlamaq,

• Bütün avadanlıq və qurğular üzrə inventar siyahısını aparmaq, texniki kataloqları və ehtiyat hissələri siyahılarını hazırlamaq, sənədləşdirmək və arxivləşdirmək,

• Proseslərdə istifadə olunan maşın və avadanlıqların düzgün işləməsinə və sınaqdan keçirilməsinə nəzarət etmək, planlı təmir-baxım proqramlarını hazırlamaq və icrasını təmin etmək,

• Avadanlıqların aşınma müddətini nəzərə alaraq ehtiyat hissələrinin minimum stok səviyyəsini izləmək, kritik həddə çatan hissələr üzrə sifarişlərin açılmasını və təqibini həyata keçirmək,

• Təmir-baxım proseslərini təhlil edərək nasazlıqların kök səbəblərini müəyyən etmək, təmir sayını azaldacaq düzəldici və qabaqlayıcı tədbirlər üzrə təkliflər vermək,

• İstehsal proseslərinin səmərəliliyini artırmaq, tullantıları azaltmaq və məhsul keyfiyyətini yüksəltmək məqsədilə texniki araşdırmalar aparmaq, innovativ və iqtisadi həllərin tətbiqində iştirak etmək,

• Lazım olan texniki ehtiyat hissələri və mexaniki materiallar üzrə texniki kartları hazırlamaq, rəf ömrünü nəzərə alaraq sifarişləri açmaq və izləmək,

• İstehsal planına uyğun olaraq texniki personalı təlimatlandırmaq, istiqamətləndirmək və nəzarətdə saxlamaq, işçilərin bilik və bacarıqlarının artırılması üçün təlimlər keçirmək,

• Texniki sənədləşmənin Keyfiyyət İdarəetmə Sisteminin tələblərinə uyğun aparılmasını, məxfi saxlanılmasını və arxivləşdirilməsini təmin etmək,

• Əməyin mühafizəsi, texniki təhlükəsizlik, sanitariya və yanğın təhlükəsizliyi qaydalarına əməl etmək, riskli halları və baş verən hadisələri dərhal rəhbərliyə bildirmək və rəhbərliyin tapşırıqlarını şirkət maraqlarına uyğun icra etmək.

İş şəraiti:

• İş Qrafiki: Həftə içi 5 gün

• İş yeri: Bakı şəh., Xəzər rayon, Binə qəsəbəsi

• Əməkhaqqı: Təcrübə və ixtisas səviyyəsinə uyğun rəqabətqabiliyyətli əməkhaqqı

• Nahar şirkət tərəfindən təmin olunur

• Nəqliyyat dəstəyi mövcuddur

Tələblərə cavab verdiyiniz təqdirdə CV-nizi göstərilən elektron poçtuna göndərə bilər və ya hr.azersun.com ünvanında qeydiyyatdan keçərək müraciət edə bilərsiniz. Email-in mövzu hissəsində **“Texniki sahə mühəndisi– 28290”**qeyd etməyiniz xahiş olunur.