Daşınmaz əmlakın satışı üzrə mütəxəssis (Naxçıvan şəh.)

Şirkətimiz premium seqment üzrə daşınmaz əmlakların satışını həyata keçirəcək satış mütəxəssisi axtarır. Namizəd müştərilərin ehtiyaclarını müəyyən edəcək, uyğun obyektləri təqdim edəcək və satış prosesini tam şəkildə idarə edəcək. Əsas məqsəd müştəri məmnuniyyətini təmin etmək və satış hədəflərinə nail olmaqdır. Premium villaların və digər daşınmaz əmlak obyektlərinin təqdimatı və satışı; Müştərilərlə güclü əlaqələrin qurulması və onların daşınmaz əmlak ehtiyaclarının müəyyən edilməsi; Satış prosesinin tam idarə olunması (görüşlər, baxışlar, danışıqlar, müqavilə mərhələsi); Satış sənədlərinin hazırlanması və prosedurların icrasına nəzarət; Müştəri bazasının genişləndirilməsi və bazar araşdırmasının aparılması.

Şirkətimizin inzibati mərkəzinə müraciət edən qonaqları yüksək peşəkarlıqla qarşılayacaq, gündəlik resepsiyon və ofis idarəçiliyi proseslərini səmərəli şəkildə həyata keçirəcək məsuliyyətli və təşəbbüskar Qeydiyyatçı axtarırıq. Bu rol həm qonaqlarla birbaşa ünsiyyətdə yüksək standartların qorunmasını, həm də ofisdaxili inzibati işlərin operativ və düzgün icrasını nəzərdə tutur. Ofisə daxil olan qonaqları səmimi və peşəkar şəkildə qarşılamaq, onlara məlumat vermək və müvafiq əməkdaşlara yönləndirmək; Telefon zənglərini və e‑mailləri vaxtında cavablandırmaq, sorğuları düzgün qiymətləndirərək aidiyyəti bölmələrə yönləndirmək; Qəbul otağının səliqə və təchizatına nəzarət etmək, zəruri dəftərxana ləvazimatları ilə təminatın fasiləsizliyini qorumaq; Gün ərzində daxil olan məktubları, sənədləri və bağlamaları qəbul edib qeydiyyata almaq və ünvanlanan şəxslərə çatdırmaq; Görüş və iclasların təşkilinə dəstək göstərmək, iclas otaqlarının uyğun vəziyyətdə olmasını təmin etmək; İnzibati tapşırıqları müəyyən olunmuş prosedurlara və keyfiyyət standartlarına uyğun şəkildə icra etmək.

Şirkətimiz isitmə-soyutma və hava tədarükü sistemlərinin fasiləsiz və təhlükəsiz istismarını təmin edəcək mütəxəssis axtarır. Namizəd avadanlıqların texniki baxışını, təmirini və quraşdırılmasını həyata keçirəcək, nasazlıqların vaxtında aşkarlanaraq aradan qaldırılmasını təmin edəcək və görülən işlər üzrə hesabatlılığı aparacaq. İsitmə-soyutma və hava tədarükü sistemlərinin mexaniki, elektrik, elektron və avtomatlaşdırılmış hissələrində müayinə, texniki xidmət, təmir-bərpa, quraşdırma və sazlama işlərinin icrası; Mexaniki sistemlərdə potensial risklərin və istismar standartlarından kənarlaşmaların müəyyən edilməsi, aradan qaldırılması və qeydiyyata alınması; Mövcud avadanlıqların əvəzlənməsi, yeni avadanlıqların quraşdırılması, sazlanması, sınaqdan keçirilməsi və istismara verilməsi; Müayinə və sınaq cihazları vasitəsilə sistem göstəricilərinin yoxlanılması və nasazlıqların aşkarlanması; Görülən işlər üzrə qeydiyyatın aparılması və müvafiq hesabatların təqdim edilməsi; Avadanlıqların əvəzlənməsi üçün texniki tələblərin müəyyən edilməsi və alternativ təkliflərin hazırlanması; Əmək təhlükəsizliyi və daxili qaydalara riayət edilməsi.