Aparıcı layihə meneceri

• İRİA-nın Rəqəmsal məhsullar departamentinə qoşulmaq üçün məhsul idarəetmə bacarıqlarına malik güclü Layihə meneceri axtarırıq. Bu vəzifə mygov platformasının yeni G2B (Dövlət – Biznes) istiqamətində aparılan təşəbbüslərin idarəetməsini öz üzərinə götürəcək. Rolun əsas məqsədi sahibkarlar və bizneslər üçün dövlət xidmətlərinin rəqəmsallaşdırılmasını təmin etmək, dövlət platformaları ilə özəl sektor arasında inteqrasiyanı gücləndirməkdir.

• Namizəd həm praktiki layihə menecmenti, həm də strateji məhsul idarəçiliyi bacarıqlarına malik olmalıdır. Layihə çərçivəsində daxili və xarici maraqlı tərəflərilə (vendorlarla) güclü kommunikasiya mexanizmi qurmaq, layihənin proqresini təmin etmək və nəticəyönümlü yanaşma sərgiləmək əsas tələblərdəndir. Eyni zamanda layihə sonunda buraxılacaq məhsula sahiblik edərək onun davamlı inkişafına məsul olacaqsınız. Bu rolda siz biznes mühitinin sadələşdirilməsinə və ölkənin e-hökumət ekosisteminin inkişafına xidmət edən rəqəmsal xidmətləri dizayn edib genişləndirəcəksiniz.

• Məhsulun ümumi vizyonunu formalaşdırmaq, dəyər təklifini müəyyənləşdirmək və onun həyata keçirilməsini təmin etmək.

• Məhsulun beynəlxalq vendor ilə birgə yaradılaraq idarə olunmasını təmin etmək; statusların izlənməsi, risklərin və asılılıqların idarə edilməsi, layihə planının yerinə yetirilməsinə nəzarət etmək.

• Layihə sənədlərini (Project Charter, Roadmap, Risk Register, Stakeholder Map və s.) hazırlamaq, yeniləmək və idarə etmək; mərhələlərin (milestone) uğurlu icrasını və effektiv hesabatlılığı təmin etmək.

• Büdcə, resurs, keyfiyyət və vaxt çərçivələrini effektiv idarə etmək, dəyişikliklərə qarşı çevik qərarlar qəbul etmək.

• Tapşırıqları və komanda fəaliyyətini layihə idarəetmə alətləri (Jira, Confluence və s.) vasitəsilə planlaşdırmaq, prioritetləşdirmək və izləmək.

• Maraqlı tərəflərlə (dövlət qurumları, vendor, texniki və məhsul komandaları) koordinasiyanı təmin etmək; qarşılıqlı gözləntiləri və qərarvermə prosesini idarə etmək.

• Effektiv və müasir təqdimatlar hazırlamaqla, məhsul/layihə barədə məlumatlılığı təmin etmək.

• Layihənin keçid mərhələsini məhsula çevrilməyə hazırlamaq — davamlı inkişaf, ölçülə bilən nəticələr və istifadəçi yönümlü məhsul idarəçiliyi üçün əsasları qurmaq.

• Backlog-u formalaşdırmaq və idarə etmək; məhsul komandası üçün tapşırıqları müəyyənləşdirmək, user story və acceptance kriteriyaları hazırlamaq, davamlı inkişaf prosesini idarə etmək.

• Mümkün olduqca Agile metodologiyalarını (Scrum, Kanban) tətbiq etmək, məhsul və icra proseslərinin müvafiq metriklərini izləmək, təkmilləşdirmə imkanlarını müəyyənləşdirib həyata keçirmək.

• Layihə və məhsul strategiyasını KPI-lar və təşkilatın rəqəmsal strategiyası ilə uyğunlaşdırmaq, normativ və hüquqi tələblərə riayət olunmasını təmin etmək.

• Qeyri-müəyyənlik şəraitində struktur və prioritetlər formalaşdırmaq, innovativ və çevik yanaşmalar tətbiq etmək.

• Komanda motivasiyasını və əməkdaşlıq mühitini qorumaq; məsuliyyət, şəffaflıq və hesabatlılıq mədəniyyətini təşviq etmək.

Digər tələblər

• Ali təhsil və minimum 4 il layihə və ya məhsul idarəetməsi üzrə təcrübə (dövlət və biznes/korporativ istiqamətlər üstünlükdür).

• Qanunvericilik aktlarının məhsul proseslərinə tətbiqini başa düşmək və təmin etmək bacarığı.

• G2C/G2G/G2B məhsullarının idarə olunmasında praktiki təcrübə arzuolunandır

• Müasir veb arxitekturalar: mikoservislər, API-lər üzərindən inteqrasiya, vahid giriş (SSO) və s. üzrə biliklər.

• Texniki həlləri qiymətləndirmək, sistem analizi aparmaq, məhsul tələbləri (PRD) və yenidən dizayn sənədləri hazırlamaq bacarığı.

• Strateji yol xəritəsi hazırlama və yüksək səviyyəli maraqlı tərəflərlə iş üzrə bacarıq.

• Yazılı və şifahi ingilis dili biliyi vacibdir (rus dili üstünlükdür).

Texniki alətlər: MS Project, Jira, Clickup, AI modelləri və s. ilə işləmə təcrübəsi.

Vakansiya növü - Tam ştat

Maraqlanan namizədlərqeyd olunan linkə daxil olaraq müraciət edə bilərlər.