Santexnik

AQA Şirkətlər Qrupu "Tikinti fəhləsi" vakansiyasını elan edir. Vəzifə öhdəlikləri: İnşaat sahəsində müxtəlif fiziki işləri yerinə yetirmək; Materialların daşınması və yerləşdirilməsində iştirak etmək; Ərazinin təmizliyi və nizam-intizamının qorunmasına kömək etmək; Alət və avadanlıqlardan düzgün və təhlükəsiz istifadə etmək; Yuxarıda duran işçilərin tapşırıqlarını vaxtında və düzgün icra etmək; Quraşdırma və söküntü işlərində komandaya dəstək olmaq; Əməyin mühafizəsi qaydalarına riayət etmək; Daimi olaraq yeni tapşırıqları öyrənməyə və icra etməyə hazır olmaq.

AQA Şirkətlər Qrupu "Smeta və layihə mütəxəssisi" vakansiyasını elan edir: Vəzifə öhdəlikləri: Gündəlik daxil olan sifarişlərin təyinatı üzrə yoxlanılması; Hazırlanmış layihələr haqqında məlumatların toplanması və analiz edilməsi; Layihə icrası zamanı mövcud dəyişikliklərə əsasən smeta sənədlərinə düzəlişlərini etmək; Material sərfini və tikinti-quraşdırma, təmir və digər işlərinin həcminin yoxlanılmasını təmin etmək; Layihəyə dair aylıq texniki hesabatları tərtib etmək (xərc analizi) və hesabatlarla (material, texniki, aktlar) işləməyi bacarmaq; Smeta əsasında yazılan sifarişlərin toplamının smeta ilə üzləşdirilməsi; Layihə sənədlərinə, tikinti norma və qaydalarına, texniki şərtlərə və başqa normativ sənədlərə əməl olunmasına nəzarət edilməsi; Söküntüyə nəzarət edilməsi, yararlı malların daşınması üçün aktın tərtib edilməsinə nəzarət edilməsi; Anbarların mütəmadi reviziyasının həyata keçirilməsi; Sifarişdən kənar alınan malların aşkar edilməsi; Rəhbərlik tərəfindən verilən müvafiq tapşırıqların yerinə yetirilməsi.

AQA Şirkətlər Qrupu "İsitmə, soyutma və havalandırma sistemləri üzrə mexanik-montajçı" vakansiyasını elan edir. Vəzifə öhdəlikləri: Divar, şkaf və mərkəzləşdirilmiş kondisioner sistemlərində nasazlıqların aşkar edilməsi və düzgün diaqnostikanın aparılması; Kondisionerləşmə layihələrini oxuma və tətbiq etmə bacarığı; Divar, şkaf və mərkəzləşdirilmiş kondisioner sistemlərinə dövri texniki xidmətin göstərilməsi; Daxili və xarici blokların montaj və demontaj işlərinin icrası; Kondisioner sistemlərinə qaz vurulması, qaz sızmalarının aşkarlanması, aradan qaldırılması və sistemlərin tənzimlənməsi; Ana platalarda (ana kartlarda) yaranmış nasazlıqların müəyyən edilməsi; Mono, multi və VRF sistemləri üzrə təmir işlərinin aparılması və ehtiyat hissələrinin yenisi ilə əvəz edilməsi; Kompressorların, iki çıxışlı klapanların, sensorların, fan mühərriklərinin və digər mexaniki hissələrin dəyişdirilməsi; İdarəetmə pultları, mikrosxemlər və elektrik naqillərinin əvəz edilməsi; Kran, kondensator, istilik tənzimləyicisi və maqnit işəsalıcıların dəyişdirilməsi; Kondisioner sistemlərinin xüsusi kimyəvi vasitələrlə yuyulması və süzgəclərin təmizlənməsi; Mərkəzləşdirilmiş VRF sistemlərində mis və drenaj borularının, siqnal kabellərinin çəkilməsi, joint-lərin qaynaq edilməsi və izolyasiya olunması; SƏTƏM (Sağlamlıq, Əməyin Təhlükəsizliyi və Ətraf Mühitin Mühafizəsi) standartlarına, istismar qaydalarına və daxili prosedurlara riayət edilməsi; Tələb olunan material və ehtiyat hissələrinin anbardan çıxarılması, onlardan düzgün və qənaətlə istifadə etməklə tapşırıqların vaxtında yerinə yetirilməsi; Rəhbərlik tərəfindən verilən müvafiq tapşırıqların yerinə yetirilməsi.