ADNSU-Vorvik Universiteti ikili diplom Proqram Rəhbəri

ADNSU-Vorvik Universiteti ikili diplom Proqram Rəhbəri. “Bərpa olunan enerji mənbələri” ixtisası üzrə

Vəzifənin məqsədi:

Azərbaycan Dövlət Neft və Sənaye Universitetində University of Warwick ilə birgə həyata keçirilən ikili diplom və beynəlxalq proqramlar çərçivəsində “Bərpa olunan enerji mənbələri” ixtisası üzrə tədris prosesinə akademik rəhbərlik etmək.

1. Vorvik Proqramı üzrə akademik rəhbərlik (əsas prioritet)

• Vorvik Proqramı çərçivəsində bərpa olunan enerji fənləri üzrə tədris planlarının, sillabusların və dərs yüklərinin dərindən mənimsənilməsi, uyğunlaşdırılması və icrasının təmin edilməsi

• Laboratoriya dərslərinin tədris planına uyğun metodiki əsaslarla təşkili və icrasına akademik rəhbərlik

• Praktiki məşğələlərin, laboratoriya işlərinin və semestr tapşırıqlarının hazırlanmasına və mütəmadi yenilənməsinə rəhbərlik

• Tələbələrin bilik və bacarıqlarının qiymətləndirilməsi prosesində iştirak və akademik qiymətləndirmə standartlarına riayət olunmasının təmin edilməsi

• Tədris prosesi zamanı təhlükəsizlik qaydalarına, akademik intizama və etik normalara nəzarət

2. Laboratoriya fəaliyyətinin təşkili (tədrisi dəstəkləyən funksiya)

• Tədris məqsədli laboratoriya avadanlıqlarının təhlükəsiz, düzgün və səmərəli istifadəsinin təmin edilməsi

• Laboratoriya işləri üzrə metodik vəsaitlərin, texniki təlimatların və göstərişlərin hazırlanması və yenilənməsi

• Müasir enerji və laboratoriya texnologiyalarının tədris prosesinə inteqrasiyasının təşviqi

• Avadanlıqların saxlanılması, texniki baxışı, risklərin qiymətləndirilməsi və yenilənməsi ilə bağlı təkliflərin hazırlanması

3. Akademik keyfiyyət və metodiki koordinasiya

• Fakültə və kafedralarla əməkdaşlıq edərək Vorvik Proqramı üzrə tədris keyfiyyətinin artırılmasının koordinasiyası

• Proqram çərçivəsində dərs deyən müəllimlərə və tədris-köməkçi heyətə metodiki dəstəyin göstərilməsi

• Akkreditasiya, daxili keyfiyyət təminatı və proqram qiymətləndirmə proseslərində Vorvik Proqramı üzrə müvafiq hissələrdə iştirak

4. Elmi-tədqiqat (əlavə üstünlük)

• Proqramla əlaqəli tətbiqi və elmi-tədqiqat istiqamətlərinin inkişafına töhfə verilməsi

• Tələbələrin elmi, innovativ və layihə əsaslı fəaliyyətə cəlb olunmasının təşviqi

• Elmi məqalələrin, analitik hesabatların və sənaye yönümlü tədqiqatların hazırlanmasında iştirak

Namizədə qoyulan tələblər

Təhsil və peşəkar uyğunluq

• Energetika, elektroenergetika, bərpa olunan enerji, mexanika və ya əlaqəli sahə üzrə magistr və ya PhD dərəcəsi

• Ali təhsil müəssisəsində minimum 3–5 il tədris və akademik koordinasiya təcrübəsi

Peşəkar bilik və bacarıqlar

• Ali təhsildə kredit sistemi, sillabus strukturu, dərs yükünün planlaşdırılması və qiymətləndirmə mexanizmləri üzrə dərin biliklər

• Tədris yönümlü laboratoriya dərslərinin təşkili və idarə olunması üzrə praktik təcrübə

• Bərpa olunan enerji sistemləri (günəş, külək, bioenerji, hidrogen və s.) üzrə əsas texniki və metodiki biliklər

• Təhlükəsizlik və texniki istismar qaydaları üzrə biliklər

Dil və rəqəmsal bacarıqlar

• Azərbaycan dili – səlis

• İngilis dili – akademik yazışma, proqram koordinasiyası və beynəlxalq əməkdaşlıq səviyyəsində

• MS Office, LMS və digər rəqəmsal tədris platformaları ilə işləmək bacarığı

Şəxsi və rəhbərlik səriştələri

• Yüksək akademik məsuliyyət və etik davranış

• Strateji düşünmə, planlaşdırma və koordinasiya bacarığı

• Müəllim heyəti, tələbələr və beynəlxalq tərəfdaşlarla effektiv ünsiyyət qurmaq qabiliyyəti

Biz nə təklif edirik:

• Beynəlxalq akademik proqramda liderlik rolu

• Aylıq əmək haqqı: 3000-3500 AZN

• Beynəlxalq proqram çərçivəsində əlavə akademik və elmi fəaliyyət imkanları

• Qlobal universitetlərlə əməkdaşlıq mühiti

• Akademik inkişaf və elmi-tədqiqat imkanları

• Müasir laboratoriya infrastrukturu və institusional dəstək

QEYD: Bildiririk ki, yalnız müvafiq tələblərə uyğun namizədlər müsahibə mərhələsinə dəvət olunacaq.