Satış üzrə koordinator (Satışa dəstək üzrə mütəxəssis)

Struktur bölmə: Həllərin dizaynı,tətbiqi və mühəndislər şöbəsi Funksional tabeçilik: Şöbə müdiri Vəzifə öhdəlikləri: Satışöncəsi mərhələdə texniki layihələndirməyə rəhbərlik edir, Yüksək Səviyyəli Dizayn (HLD) sənədlərini hazırlayır, yüklərin hesablanmasını aparır və miqyaslana bilən, çevik və dayanıqlı optimal arxitektura həllərini müəyyən edir. Dell, Huawei (əsas vendor), eləcə də HPE, Cisco, Lenovo və SuperMicro məhsul xətləri üzrə dərin texniki ekspertizaya malikdir, avadanlıq və proqram təminatı üzrə spesifikasiyalar (BOM) hazırlayır. Server avadanlıqları, məlumat saxlama sistemləri (Storage), hiperkonvergent infrastruktur (HCI) və ehtiyat nüsxələmə sistemləri (BRS) üzrə müştəri tələblərinə uyğun kompleks həllər formalaşdırır. Əməliyyat sistemlərinin, virtuallaşdırma platformalarının və sistem proqram təminatının (Dell, HPE, Lenovo və s.) seçimini və lisenziyalaşdırılmasını həyata keçirir. Müştərilər və satış komandası ilə sıx əməkdaşlıq edir, tələbləri dəqiqləşdirir, təqdimatlar keçirir, texniki həlləri müdafiə edir və onların biznes dəyərini əsaslandırır. Satışöncəsi texniki materialları və HLD ilə bağlı sənədləri hazırlayır, texniki sualları cavablandırır və müştəri görüşlərində iştirak edir. Bazarı və texnoloji trendləri monitorinq edir, rəqiblərin təkliflərini təhlil edir, vendorların qiymət siyasətini nəzərə alaraq müştəri üçün maksimum əlavə dəyər yaradan (value-added) həllər təklif edir. Texniki spesifikasiyaların müştəri tələblərinə və Texniki Tapşırıq (TT) sənədlərinə uyğunluğunu yoxlayır, uyğunsuzluqları aşkar edir və qeyri-düzgün və ya natamam texniki təkliflər barədə aidiyyəti struktur bölmələri məlumatlandırır. CRM sistemində işləyir, texniki sənədləri, izahatlı qeydləri və müşayiətedici materialları hazırlayır. Vendor və tərəfdaşlıq proqramlarında iştirak edir, sertifikatların əldə olunması prosesində aktiv iştirak edir və həllərin tətbiqi (implementation) mərhələsində layihə komandalarına texniki konsultasiya göstərir. Namizədə dair arzu olunan bilik və bacarıqlar: Ali təhsil. İT sahəsində iş bacarıqları – texniki biliklərə və İT sistemlərində təcrübəyə malik olmaq. Sistem inteqratoru və ya vendor mühitində Sistem arxitektoru kimi ən azı 5 il iş təcrübəsi. İnfrastrukturun (Serverlər, Məlumat Saxlama Sistemləri (MSS), hiperkonvergent mühitlər (HCI), ehtiyat nüsxələmə) arxitekturasının layihələndirilməsi və TŞ (Texniki Şərtlər) üzrə spesifikasiyaların hazırlanması təcrübəsi. Müasir serverlərin, MSS-in (SAN/NAS) arxitekturası, virtuallaşdırma və məlumatların mühafizəsi texnologiyaları haqqında güclü biliklər. Hesablamalar/ölçüləndirmə (sizing), Yüksək Səviyyəli Dizaynın (HLD) və texniki-kommersiya təkliflərinin hazırlanması bacarığı. Dell, Huawei, HPE, Cisco portfelləri üzrə biliklərə malik olmaq. Inspur və xFusion ilə iş təcrübəsi üstünlükdür. RFP/tender sənədləri ilə işləmək, CRM və texniki sənədləşmə bacarığı. Texniki həlləri  müştərinin texniki direktoruna  ( CTO)  və İT üzrə mütəxəssislərə təqdim və həlli  əsaslandırır. Dell / Huawei / Cisco / HPE sertifikatlarının olması üstünlükdür Azərbaycan və rus dillərini sərbəst səviyyədə danışmaq, oxumaq və yazmaq bacarığı (İngilis dilini bilməsi arzuolunandır). MS Office proqramı ilə sərbəst işləmə bacarığı. CRM ( Bitriks 24)  və 1C  ilə işləmə bacarığı. Ünsiyyətcil və danışıq qabiliyyəti yüksək olmalı. Komanda mühitində işləmək bacarığı. Əlavə məlumat: İş vaxtı:Həftədə 5 gün 09:00-dan 18:00-dək. İstirahət günləri: Şənbə və bazar günləri (AR Əmək Məcəlləsi üzrə bayram və qeyri -iş günləri ) Vakansiya növü: Tam ştat İş yeri: “Bakinity Distribution” MMC Əməkhaqqı: Namizədin bilik və bacarığına uyğun olaraq Təminatlar: Korporativ mobil telefon nömrə və danışıq paketi. Push 30 platformasından endirimli şərtlərlə istifadə imkanı. AmCham üzvlüyü çərçivəsində inkişaf və təlim proqramlarından yararlanmaq imkanı. Paşa Həyat “Həyatın Yaşam Sığortası” proqramına qoşulmaq imkanı. İT sahəsində peşəkar inkişaf və karyera yüksəlişi üçün imkanlar. Maraqlanan namizədlərqeyd olunan linkə daxil olaraq müraciət edə bilərlər.

Vəzifə öhdəlikləri: Dövlət və kommersiya təşkilatları tərəfindən elan edilmiş və Cəmiyyətin fəaliyyət növünə uyğun olan tenderləri müəyyən edir və struktur bölmə rəhbərinə məlumat verir. Tender üzrə tələb olunan sənədlərin “Dövlət satınalmaları haqqında” Azərbaycan Respublikası qanunvericiliyinə uyğun hazırlanmasını təmin edir. Müəyyən edilmiş son tarixlərə ciddi şəkildə əməl olunmasına nəzarət edir. Dövlət və kommersiya təşkilatları ilə müntəzəm yazışmalar aparır. Tender proseslərinə aid olan müqavilə, təqdimat, akt, protokol və digər sənədləri hazırlayır. Müəyyən edilmiş hesabatların hazırlanmasını və aidiyyəti üzrə vaxtında təqdim olunmasını təmin edir. Tenderin icrası ilə bağlı tələb olunan əlavələri və düzəlişləri vaxtında hazırlayır. Tender prosesində əsas şərtlər toplusunun tələbinə uyğun sənədlərlə bağlı yaranan suallara cavab verir və sorğuları cavablandırır. Tenderin icra vəziyyəti ilə bağlı struktur bölmə rəhbərini mütəmadi olaraq məlumatlandırır, problemlər yarandıqda dərhal xəbər verir. Tender sənədlərinin tamlığını, düzgünlüyünü və vaxtında təqdim olunmasını nəzarətdə saxlayır, sənədlərin arxivləşdirilməsi, elektron və fiziki bazada saxlanması prosesini həyata keçirir. Tenderlərlə bağlı daxil olan rəy və təklifləri toplayır və düzgün qərarların verilməsi üçün struktur bölmə rəhbərinə təqdim edir. Rəhbərliyin vəzifənin tələbi üzrə verilən tapşırıqların vaxtında və keyfiyyətlə yerinə yetirilməsini təmin edir. Əsas şərtlər toplusunun analizini aparır. Namizədə dair tələb olunan bilik və bacarıqlar: Ali təhsil Müvafiq sahə üzrə minimum 3 il iş təcrübəsi. Azərbaycan Respublikasının “Dövlət satınalmaları haqqında” Qanunu üzrə yüksək səviyyədə bilik. Satınalan və podratçı tərəflər üzrə nəzəri və praktiki bilik və bacarıqlar. Ehtimal olunan qiymətlərin və iş həcmləri cədvəllərinin hazırlanması bacarığı. Azərbaycan dilində sərbəst danışıq, oxu və yazı bacarığı; rus və ingilis dillərini bilmək üstünlükdür. MS Office proqramları ilə sərbəst işləmə bacarığı. CRM (Bitrix24) və 1C proqramlarında iş təcrübəsi. Güclü ünsiyyət və təqdimat bacarıqları. Tapşırıqları düzgün prioritetləşdirmə və problemlərin effektiv həlli bacarığı. Əlavə məlumat: İş vaxtı:Həftədə 5 gün 09:00-dan 18:00-dək. İstirahət günləri: Şənbə və bazar günləri (AR Əmək Məcəlləsi üzrə bayram və qeyri -iş günləri ) Vakansiya növü: Tam ştat İş yeri: “Bakinity Distribution” MMC Əməkhaqqı: Namizədin bilik və bacarığına uyğun olaraq Təminatlar: Korporativ mobil telefon nömrəsi və danışıq paketi təmin olunur. Push 30 platformasından istifadə imkanı. AmCham üzvlüyü çərçivəsində inkişaf və təlim proqramlarından yararlanmaq imkanı. Paşa Həyat “Həyatın Yaşam Sığortası” proqramına qoşulmaq imkanı. İT sahəsində peşəkar inkişaf və karyera yüksəlişi üçün imkanlar. Maraqlanan namizədlərqeyd olunan linkə daxil olaraq müraciət edə bilərlər.