Qeydiyyatçı

Vəzifənin təsviri: Texniki işçilərin, bağbanların və nəzarətçilərin fəaliyyətinə gündəlik nəzarət etmək. Görülən işlərin qeydiyyatını aparmaq və mütəmadi hesabatlar hazırlamaq. Nəzarətçilər üçün aylıq növbə qrafiklərini tərtib etmək və icrasına nəzarət etmək. Binaların, qurğuların və avadanlıqların sıradan çıxmasının qarşısını almaq üçün profilaktik tədbirlər görmək. Mövcud zədə və nasazlıqları vaxtında aşkar etmək və aradan qaldırılmasını təmin etmək. Otaqların, avadanlıqların və struktur bölmələrinin köçürülməsi zamanı daşıma işlərinə nəzarət etmək. Təsərrüfat inventarının və avadanlıqların düzgün istifadəsinə nəzarət etmək. Aylıq sərfiyyat və təsərrüfat xərclərinə nəzarət etmək. Sərfiyyat və xərclərlə bağlı mütəmadi hesabatlar hazırlamaq. Aylıq xərclərin uçotunu aparmaq və rəhbərliyə təqdim etmək. Faktiki xərcləri plan göstəriciləri ilə müqayisə etmək və optimallaşdırma təklifləri vermək. Təsərrüfat və texniki işlərin vaxtında və keyfiyyətlə icrasını təmin etmək.

Vəzifənin təsviri: Klinikanın sanitar-gigiyenik qaydalara uyğun fəaliyyətinin təmin olunmasında iştirak edir. Tibbi otaqların, palataların və ümumi istifadə sahələrinin təmizliyini təmin edir. Tibbi alət və avadanlıqların dezinfeksiya olunmasında iştirak edir. Tibbi tullantıların qüvvədə olan qaydalara uyğun toplanmasını, çeşidlənməsini və daşınmasını həyata keçirir. Pasiyentlərin şöbələr arasında təhlükəsiz şəkildə daşınmasına kömək edir. Klinika daxilində analiz nümunələrinin və tibbi avadanlıqların daşınmasını təmin edir. Tibb personalının tapşırıqlarını vaxtında və düzgün yerinə yetirir. Təmizlik, infeksiya nəzarəti və təhlükəsizlik qaydalarına riayət edir. Klinikanın daxili intizam qaydalarına və etik davranış normalarına əməl edir. Tibbi heyətin fasiləsiz fəaliyyətinin təmin olunmasına kömək edir.

Vəzifənin təsviri: Müasir profilaktika, diaqnostika, müalicə və reabilitasiya metodlarından istifadə etməklə müxtəlif cərrahi xəstəliklər üzrə pasiyentlərə ixtisaslı tibbi yardım göstərmək, pasiyentin klinik vəziyyətini qiymətləndirərək müalicə və cərrahi müdaxilə planını hazırlamaq və icrasını təmin etmək. Pasiyentin anamnezini toplamaq, klinik, instrumental və laborator müayinələri aparmaq və nəticələrə əsasən diaqnoz qoyaraq müvafiq müalicə taktikasını müəyyən etmək. Zəruri hallarda planlı və təcili cərrahi müdaxilələri həyata keçirmək, əməliyyatdan sonrakı dövrdə pasiyentin vəziyyətinə nəzarət etmək və reabilitasiya prosesini təşkil etmək. Pasiyentlərin vəziyyətinin dinamik müşahidəsini aparmaq, zəruri hallarda müalicə planını yeniləmək və müvafiq diaqnostik və müalicə prosedurlarını həyata keçirmək. Tibbi sənədlərin mövcud qaydalara uyğun olaraq vaxtında və düzgün rəsmiləşdirilməsini təmin etmək, tibbi avadanlıq və materialların düzgün və səmərəli istifadəsinə nəzarət etmək. Müalicə-profilaktika müəssisəsinin digər şöbələri ilə əməkdaşlıq etmək, orta və kiçik tibb heyətinin fəaliyyətinə metodiki dəstək göstərmək, pasiyentlərin tibbi maarifləndirilməsində iştirak etmək və tibbi etika, sanitariya-epidemioloji və təhlükəsizlik qaydalarına riayət etmək.