Senior IT Project Manager
Departament: Layihələrin idarəolunması
Vəzifə öhdəlikləri:
Layihənin nizamnaməsini, məqsədlərini və nəticələrini müəyyən edir;
Layihənin hazırlanması və həyata keçirilməsi üçün aidiyyəti departamentlərdən daxil olan məlumatlar əsasında plan hazırlayır, razılaşdırır və nəzarət nöqtələrini müəyyən edir;
Layihə üzrə iş həcmini müəyyənləşdirir, iş həcmlərinə düzgün riayət edilməsi üçün funksional menecerlərin dəstəyi ilə nəzarət yoxlamaları təşkil edir;
Layihənin ilkin davam etmə müddətini müəyyən edir, icra zamanı baş verən proseslər nəzərə alınmaqla tələb olunan hallarda funksional menecerlərin dəstəyi ilə düzəliş və əlavələr edir;
Layihənin icrası üçün tələb olunan kritik və qeyri-kritik resursları müvafiq departamentlərlə birgə müəyyən edir, lazım olan resursların iş qrafikini və ardıcıllığını müəyyənləşdirir;
Layihənin ilkin dəyərini qiymətləndirir, layihə büdcəsini müəyyən edir, icra zamanı baş verən proseslər nəzərə alınmaqla tələb olunan hallarda funksional menecerlərin dəstəyi ilə büdcəyə düzəliş və əlavələr edir;
Lazım olan peşəkar bacarıqları və digər zəruri kriteriyalar əsasında layihə qrupunu seçir, qrup üzvlərinin iş qrafiklərini funksional departament rəhbərləri ilə razılaşdırır;
Layihənin risklərini müəyyən edir, layihənin icrası zamanı iş prosesi daxilində riskləri yenidən qiymətləndirir və qarşısının alınması üçün funksional menecerlərin dəstəyi ilə qabaqlayıcı planlar hazırlayır;
Layihənin müxtəlif icra mərhələləri zamanı görüşlər təşkil edir, görüşlərin öncədən qrafikini, müzakirə olunacaq məsələləri və gözləntiləri müəyyən edərək paylaşır;
Layihənin həyata keçirilməsi üçün lazımlı sənədlərin hazırlanmasını təmin edir;
Layihə məlumatlarının vaxtında yığılması, paylanması, saxlanması və sonradan istifadəsini təmin edir;
Bütün layihənin iştirakçılarına vaxtında zəruri məlumatların təqdim edilməsini əlaqələndirir.
